Италиянинг "Милан" клуби ярим ҳимоячиси Юссуф Фофана Лука Модричнинг жамоага ўтиши борасида фикр билдирди.
"У билан машғулотларни интиқлик билан кутмоқдамиз. Бундай одамнинг ўйинини томоша қилиш ёки майдондан ташқарида у билан суҳбатлашиш орқали ўрганадиган нарсаларимиз бор. У "Милан"га кўп нарса беради," - дея Фофананинг сўзларини келтиради La Gazzetta dello Sport.
Бунгача Модрич 13 йил давомида Мадриднинг "Реал" клуби сафида тўп тепган ва "қаймоқранглилар" сафида барча мусобақаларда 597 та ўйинда майдонга тушган (43 та гол, 95 та голли узатма). Ўтмишда жаҳон вице-чемпиони ва "Олтин тўп" соҳибига айланган 39 ёшли хорватиялик футболчи ёзда "Милан" сафига эркин агент сифатида келиб қўшилди.
