"Roma" vingeri Matias Soule yangi jamoadoshi Evan Fergyuson haqida gapirdi.

Shanba kuni irlandiyalik hujumchi rimliklarga o‘rtoqlik uchrashuvida "Kayzerslautern"ni mag‘lub etishga yordam berib, o‘yindagi yagona golga mualliflik qildi.

"Evan - yaxshi yigit, uning ta’siri allaqachon sezilmoqda. Men u bilan inglizcha gaplashishga harakat qilaman, lekin uddalay olmayapman. U texnik va jismoniy jihatdan juda iqtidorli. Umid qilamanki, u "Roma"da o‘zining eng yaxshi fazilatlarini ko‘rsatadi. U menga kimni eslatyapti? Iguain va Batistuta", - deya Soulening so‘zlarini keltiradi jurnalist Alfredo Pedulla.

"Roma" Evan Fergyusonni Angliyaning "Brayton" klubidan mavsum oxirigacha 40 mln yevroga sotib olish sharti bilan ijaraga oldi.