"Рома" вингери Матиас Соуле янги жамоадоши Эван Фергюсон ҳақида гапирди.
Шанба куни ирландиялик ҳужумчи римликларга ўртоқлик учрашувида "Кайзерслаутерн"ни мағлуб этишга ёрдам бериб, ўйиндаги ягона голга муаллифлик қилди.
"Эван - яхши йигит, унинг таъсири аллақачон сезилмоқда. Мен у билан инглизча гаплашишга ҳаракат қиламан, лекин уддалай олмаяпман. У техник ва жисмоний жиҳатдан жуда иқтидорли. Умид қиламанки, у "Рома"да ўзининг энг яхши фазилатларини кўрсатади. У менга кимни эслатяпти? Игуаин ва Батистута", - дея Соуленинг сўзларини келтиради журналист Альфредо Педулла.
"Рома" Эван Фергюсонни Англиянинг "Брайтон" клубидан мавсум охиригача 40 млн еврога сотиб олиш шарти билан ижарага олди.
