"Lill" posboni Lyuka Shevalye "PSJ"da Janluiji Donnarummaning o‘rnini egallashi mumkin.

Parij grandi allaqachon fransuz bilan shartnoma shartlarini kelishib olgan - endi bu ma’lumotlarni insayder Fabrisio Romano ham tasdiqladi. Bundan tashqari, mashhur transfer mutaxassisi ta’kidlaganidek, "Lill" 23 yoshli darvozabonni sotishdan kamida 40 mln yevro ishlab olmoqchi, klublar o‘rtasidagi muzokaralar davom etmoqda.

Parijliklarning yangi darvozabonni sotib olish qaroriga Janluiji Donnarumma bilan bog‘liq vaziyat ta’sir ko‘rsatdi: italiyalikning amaldagi kelishuvi bir yildan kamroq vaqt ichida tugaydi va u bilan keyingi hamkorlik shartlari bo‘yicha kelishib bo‘lmadi.