"Inter Mayami" bosh murabbiyi Xavyer Maskerano "Sinsinnati"ga qarshi o‘yindan keyin o‘z fikrlarini bildirib o‘tdi.
"Qo‘tonlar" bir necha kun oldin bo‘lib o‘tgan MLS yulduzlar o‘yinida ishtirok etmagani uchun diskvalifikasiya qilingan Lionel Messi va Jordi Alba xizmatlaridan foydalanmaslikka majbur bo‘ldi.
"Biz jiddiy qiyinchiliklarga duch keldik, moslashishga to‘g‘ri keldi, ammo biz yaxshi harakat qildik va g‘alabaga loyiq edik. Biz eng yaxshi to‘purarimiz Messisiz o‘ynadik va bu o‘z ta’sirini ko‘rsatdi - bizga u yetishmadi. Qizig‘i, biz bu mavsumda hali penalti tepmagan ligadagi yagona jamoa bo‘lib qolmoqdamiz," - dedi Maskerano matbuot anjumanida.
"Inter Mayami" 22 o‘yinda 42 ochko to‘plagan holda turnir jadvalida beshinchi o‘rinda, "Sinsinnati" esa 25 o‘yinda 49 ochko to‘plagan holda ikkinchi o‘rinda bormoqda.
