"Barselona" jamoasi bosh murabbiyi Xans-Diter Flik Yaponiyaning "Vissel Kobe" klubiga qarshi kechgan va 3:1 hisobida kataloniyaliklarning g‘alabasi bilan yakunlangan nazorat uchrashuvini sarhisob qildi.
Mutaxassisning fikricha, o‘yin mavsumga tayyorgarlikning foydali bosqichi bo‘ldi va jamoaning tayyorgarligini baholash imkonini berdi. Flik uchrashuvning birinchi uchdan bir qismini alohida ta’kidlab, uni eng yaxshi qism deb atadi:
- O‘yin sifatli o‘tdi. Dastlabki 30 daqiqa juda kuchli bo‘ldi, jamoa yaxshi harakat va nazoratni namoyish etdi. Ha, keyin biroz sekinlashdik, ammo ikkinchi bo‘limda yana tempni oshirdik. Umuman olganda, men mamnunman," - deya nemis murabbiyining so‘zlarini keltiradi klub matbuot xizmati.
Eslatib o‘tamiz, ispan grandi tarkibida Erik Garsiya, Runi Bardji va Pedro Fernandes o‘z nomini tabloga yozdirib qo‘ydi.
