"Барселона" жамоаси бош мураббийи Ханс-Дитер Флик Япониянинг "Виссел Кобе" клубига қарши кечган ва 3:1 ҳисобида каталонияликларнинг ғалабаси билан якунланган назорат учрашувини сарҳисоб қилди.
Мутахассиснинг фикрича, ўйин мавсумга тайёргарликнинг фойдали босқичи бўлди ва жамоанинг тайёргарлигини баҳолаш имконини берди. Флик учрашувнинг биринчи учдан бир қисмини алоҳида таъкидлаб, уни энг яхши қисм деб атади:
- Ўйин сифатли ўтди. Дастлабки 30 дақиқа жуда кучли бўлди, жамоа яхши ҳаракат ва назоратни намойиш этди. Ҳа, кейин бироз секинлашдик, аммо иккинчи бўлимда яна темпни оширдик. Умуман олганда, мен мамнунман," - дея немис мураббийининг сўзларини келтиради клуб матбуот хизмати.
Эслатиб ўтамиз, испан гранди таркибида Эрик Гарсия, Руни Барджи ва Педро Фернандес ўз номини таблога ёздириб қўйди.
