Fransiyaning "Lill" klubi "PSJ"ga o‘tish arafasida turgan darvozabon Lyuka Shevalyega o‘rinbosar qidirmoqda. Bu haqda mahalliy L’Equipe nashri xabar bermoqda.
Manbaga ko‘ra, "Lill" bir necha variantni ko‘rib chiqmoqda. Asosiy nomzod NEK vakili niderlandiyalik Robin Rufs hisoblanadi. Angliya klublari ham qiziqish bildirayotgan 22 yoshli futbolchi bo‘yicha hozircha rasmiy taklif bo‘lgani yo‘q.
Rufs Niderlandiya terma jamoasi safida bir necha bor yoshlar va turli yoshlar terma jamoalarida o‘ynagan. O‘tgan mavsumda futbolchi klub miqyosida 33 ta o‘yinda maydonga tushib, 45 ta gol o‘tkazib yuborgan. Bozor narxi 4 million yevroga baholanayotgan darvozabon 10 ta o‘yinda darvozasi daxlsizligini saqlab qoldi.
