"Inter" "Atalanta"ni tez orada hujumchi Ademola Lukman transferini ma’qullashga ko‘ndirmoqchi.

27 yoshli futbolchi milanliklar safiga o‘tishni istamoqda va unga taklif qilingan shartnomani qabul qilib bo‘lgan, biroq klublar transfer summasi borasida hali ham kelisha olishmagan. Insayder Fabrisio Romanoning ma’lumotlariga ko‘ra, barchasi kelgusi haftada hal qilinishi kerak. Yangi muzokaralar dushanbadan seshanbagacha bo‘lib o‘tadi.

Avvalroq, "Atalanta" Ademola Lukman uchun 50 mln yevro talab qilayotgani, "Inter" esa taxminan 45 mln yevro berishga tayyorligi haqida xabarlar tarqalgan edi. Nigeriyalik hujumchining bergamoliklar bilan amaldagi kelishuvi 2027 yilning yarmigacha mo‘ljallangan.