"Интер" "Аталанта"ни тез орада ҳужумчи Адемола Лукман трансферини маъқуллашга кўндирмоқчи.
27 ёшли футболчи миланликлар сафига ўтишни истамоқда ва унга таклиф қилинган шартномани қабул қилиб бўлган, бироқ клублар трансфер суммаси борасида ҳали ҳам келиша олишмаган. Инсайдер Фабрицио Романонинг маълумотларига кўра, барчаси келгуси ҳафтада ҳал қилиниши керак. Янги музокаралар душанбадан сешанбагача бўлиб ўтади.
Аввалроқ, "Аталанта" Адемола Лукман учун 50 млн евро талаб қилаётгани, "Интер" эса тахминан 45 млн евро беришга тайёрлиги ҳақида хабарлар тарқалган эди. Нигериялик ҳужумчининг бергамоликлар билан амалдаги келишуви 2027 йилнинг ярмигача мўлжалланган.













