"Chelsi" himoyachisi Mark Kukurelya faoliyatini Saudiya Arabistonining "An-Nasr" klubida davom ettirishi mumkin. Bu haqda Marca jurnalisti Xose Feliks Dias xabar bermoqda.
Manbaga ko‘ra, Joau Feliks transferidan so‘ng Saudiya Arabistoni klubi yulduzi Krishtianu Ronalduning shaxsan o‘zi rahbariyatdan yana bir futbolchi - Mark Kukurelya bilan shartnoma imzolashni so‘ragan.
O‘tgan mavsumda 27 yoshli qanot himoyachisi londonliklar safida 54 ta o‘yin o‘tkazib, 7 ta gol va 4 ta golli uzatmani o‘z hisobiga yozdirib qo‘ydi. Kukurelyaning transfermarkt portalidagi narxi 35 mln yevroga baholanmoqda. Ispaniyalik futbolchining "Chelsi" bilan shartnomasi uch yildan so‘ng yakunlanadi.
