"Челси" ҳимоячиси Марк Кукурелья фаолиятини Саудия Арабистонининг "Ан-Наср" клубида давом эттириши мумкин. Бу ҳақда Marca журналисти Хосе Феликс Диас хабар бермоқда.
Манбага кўра, Жоау Феликс трансферидан сўнг Саудия Арабистони клуби юлдузи Криштиану Роналдунинг шахсан ўзи раҳбариятдан яна бир футболчи - Марк Кукурелья билан шартнома имзолашни сўраган.
Ўтган мавсумда 27 ёшли қанот ҳимоячиси лондонликлар сафида 54 та ўйин ўтказиб, 7 та гол ва 4 та голли узатмани ўз ҳисобига ёздириб қўйди. Кукурелянинг transfermarkt порталидаги нархи 35 млн еврога баҳоланмоқда. Испаниялик футболчининг "Челси" билан шартномаси уч йилдан сўнг якунланади.
