Karlo Anchelottining o‘g‘li Davide Anchelotti yaqinda otasining murabbiylar shtabida ishlashni to‘xtatdi va mustaqil karyerasini boshladi. Davide ham Braziliyaga bordi, ammo Karlo bu mamlakat terma jamoasini qabul qilib olgan bo‘lsa, uning o‘g‘li "Botafogo"ga bosh murabbiy etib tayinlandi. Davide murabbiy sifatida Anchelotti familiyasini olib yurishi qiyinligini tan oldi.
"Anchelotti familiyasi og‘irlik qilyaptimi? Murabbiy sifatida bu juda og‘ir. Buni inkor etolmayman. Ammo Paolo mavqeidan kelib chiqib, Daniel Maldiniga ham oson bo‘lmagan. Bilaman, menga baho berishda "Karloning o‘g‘li" deyishadi, ayniqsa, boshida. Ammo suzishni o‘rganishning yagona yo‘li dengizga sakrab, qo‘l va oyoqlarni qimirlatishdir. Men aynan shunga harakat qilyapman," - dedi kichik Anchelotti La Gazzetta dello Sport nashriga.
