Карло Анчелоттининг ўғли Давиде Анчелотти яқинда отасининг мураббийлар штабида ишлашни тўхтатди ва мустақил карьерасини бошлади. Давиде ҳам Бразилияга борди, аммо Карло бу мамлакат терма жамоасини қабул қилиб олган бўлса, унинг ўғли "Ботафого"га бош мураббий этиб тайинланди. Давиде мураббий сифатида Анчелотти фамилиясини олиб юриши қийинлигини тан олди.
"Анчелотти фамилияси оғирлик қиляптими? Мураббий сифатида бу жуда оғир. Буни инкор этолмайман. Аммо Паоло мавқеидан келиб чиқиб, Даниэль Мальдинига ҳам осон бўлмаган. Биламан, менга баҳо беришда "Карлонинг ўғли" дейишади, айниқса, бошида. Аммо сузишни ўрганишнинг ягона йўли денгизга сакраб, қўл ва оёқларни қимирлатишдир. Мен айнан шунга ҳаракат қиляпман," - деди кичик Анчелотти La Gazzetta dello Sport нашрига.
