"Manchester Siti" darvozaboni Ederson yozda klubini o‘zgartirishi mumkin. Turkiya chempioni "Galatasaroy" uning transferi ustida faol ishlamoqda.
Insayder Nikolo Skiraning xabar berishicha, braziliyalik 31 yoshli darvozabon allaqachon turk jamoasi bilan 3 yillik shaxsiy shartnomaga rozi bo‘lgan.
Ederson "Galatasaroy"ning birinchi raqam o‘rnini mustahkamlashdagi ustuvor maqsadi bo‘lib qolmoqda. Ayni damda Istanbul jamoasi o‘zining so‘nggi mavsumlardagi asosiy darvozaboni borasida yakuniy qarorga kelmagan "Manchester Siti" bilan muzokara olib bormoqda.













