"Манчестер Сити" дарвозабони Эдерсон ёзда клубини ўзгартириши мумкин. Туркия чемпиони "Галатасарой" унинг трансфери устида фаол ишламоқда.
Инсайдер Николо Скиранинг хабар беришича, бразилиялик 31 ёшли дарвозабон аллақачон турк жамоаси билан 3 йиллик шахсий шартномага рози бўлган.
Эдерсон "Галатасарой"нинг биринчи рақам ўрнини мустаҳкамлашдаги устувор мақсади бўлиб қолмоқда. Айни дамда Истанбул жамоаси ўзининг сўнгги мавсумлардаги асосий дарвозабони борасида якуний қарорга келмаган "Манчестер Сити" билан музокара олиб бормоқда.













