"Portu" hujumkor yarim himoyachi Rodrigu Morga narx belgiladi.
"Ajdarlar" 18 yoshli futbolchi uchun transfer takliflarini ko‘rib chiqmaydi. Vunderkindni o‘z safiga qo‘shib olishning yagona yo‘li - uning amaldagi shartnomasida ko‘rsatilgan 70 mln yevrolik tovon pulini faollashtirish, deb xabar bermoqda CNN Portugal. Avvalroq, portugaliyalik futbolchiga "PSJ" qiziqish bildirayotgani haqida xabarlar tarqalgan edi.
"Transfermarkt" ekspertlari talqiniga ko‘ra, Rodrigu Moraning narxi - 40 mln yevro. Futbolchining "Portu" bilan mehnat shartnomasi 2030 yilgacha mo‘ljallangan. Portugaliya grandining asosiy jamoasi safida u 35 ta o‘yinda maydonga tushib, 11 ta gol urgan va to‘rtta golli uzatmani amalga oshirgan.













