Leverkuzenning "Bayer" klubi darvozaboni Lukash Gradeski "Monako" bilan muzokara o‘tkazmoqda. Bu haqda Fransiyaning L'Equipe nashri xabar bermoqda.

Manbaga ko‘ra, "Monako" rahbariyati jamoaning hozirgi darvozabonlari Filipp Kyon va Radoslav Mayeski klub darajasiga to‘liq javob bermaydi, degan xulosaga kelganidan so‘ng, 1-raqamli darvozabon bo‘lish uchun bir qator nomzodlarni o‘rganib chiqqan.

Jorje Petrovich va Marsin Bulka oxir-oqibat boshqa jamoalar bilan shartnoma imzolashni afzal ko‘rishdi, David De Xea esa "Fiorentina" bilan shartnomani uzaytirdi. Shundan so‘ng "Monako" Gradeski variantiga o‘tdi. So‘nggi ma’lumotlarga ko‘ra, bitim yakunlanish arafasida. Transfer narxi 4 million yevroni tashkil etishi mumkin.