"Real Madrid" o‘zining X ijtimoiy tarmog‘idagi sahifasida hujumchi Kilian Mbappe endi "Los-Blankos"da 10-raqam ostida o‘ynashini e’lon qildi. O‘tgan mavsumda fransiyalik futbolchi 9-raqam ostida o‘ynadi.

10-raqam "Qirollik klubi"da Luka Modrich jamoani tark etganidan so‘ng bo‘sh edi.

O‘tgan mavsumda Mbappe barcha turnirlarda 59 ta o‘yinda maydonga tushib, 44 ta gol urdi va 5 ta golli uzatmani amalga oshirdi. Futbolchining klub bilan amaldagi mehnat shartnomasi 2029 yilning yoziga qadar mo‘ljallangan. Transfermarkt portalida berilgan ma’lumotlarga ko‘ra, futbolchining bozor qiymati 180 million yevroni tashkil qiladi.