"Реал Мадрид" ўзининг Х ижтимоий тармоғидаги саҳифасида ҳужумчи Килиан Мбаппе энди "Лос-Бланкос"да 10-рақам остида ўйнашини эълон қилди. Ўтган мавсумда франциялик футболчи 9-рақам остида ўйнади.
10-рақам "Қироллик клуби"да Лука Модрич жамоани тарк этганидан сўнг бўш эди.
Ўтган мавсумда Мбаппе барча турнирларда 59 та ўйинда майдонга тушиб, 44 та гол урди ва 5 та голли узатмани амалга оширди. Футболчининг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида берилган маълумотларга кўра, футболчининг бозор қиймати 180 миллион еврони ташкил қилади.
