"Barselona"ning sobiq bosh murabbiyi Xavi Ernandes yaqin kelajakda o‘z vatanida ishlashni rejalashtirmayapti.
Ispaniyalik nomi oshkor etilmagan bir nechta klublar 45 yoshli mutaxassisga murabbiylik lavozimini taklif qilishgan, ammo rad javobini eshitishgan. Marca xabariga ko‘ra, Xavi "Barselona"dan boshqa hech bir mahalliy jamoani boshqarmoqchi emasligini aniq aytgan.
Eslatib o‘tamiz, Xavi 2023/24 yilgi mavsum yakunlangach, "Barsa"dan iste’foga chiqarilgan edi. Ispaniyalik murabbiy o‘rnini o‘tgan mavsumda "ko‘k-anorranglilar" bilan ichki arenadagi barcha turnirlarda g‘alaba qozongan Xans-Diter Flik egalladi.
Afsonaviy sobiq yarim himoyachi allaqachon xorij chempionatida ishlagan: u "Barselona"ga qaytgunga qadar Qatarning "As-Sadd" klubini boshqargan.
