"Барселона"нинг собиқ бош мураббийи Хави Эрнандес яқин келажакда ўз ватанида ишлашни режалаштирмаяпти.
Испаниялик номи ошкор этилмаган бир нечта клублар 45 ёшли мутахассисга мураббийлик лавозимини таклиф қилишган, аммо рад жавобини эшитишган. Marca хабарига кўра, Хави "Барселона"дан бошқа ҳеч бир маҳаллий жамоани бошқармоқчи эмаслигини аниқ айтган.
Эслатиб ўтамиз, Хави 2023/24 йилги мавсум якунлангач, "Барса"дан истеъфога чиқарилган эди. Испаниялик мураббий ўрнини ўтган мавсумда "кўк-анорранглилар" билан ички аренадаги барча турнирларда ғалаба қозонган Ханс-Дитер Флик эгаллади.
Афсонавий собиқ ярим ҳимоячи аллақачон хориж чемпионатида ишлаган: у "Барселона"га қайтгунга қадар Қатарнинг "Ас-Садд" клубини бошқарган.
