Yozgi transferlar vaqtida Ukraina terma jamoasi hujumchisi Artyom Dovbik klubini o‘zgartirishi mumkin. Taniqli jurnalist Nikolo Skiraning ijtimoiy tarmoqlarda ma’lum qilishicha, "Roma" taxminan 40 million yevrolik yaxshi taklifga ega bo‘lsa, Dovbikni sotib yuborishga tayyor.
Qayd etilishicha, 28 yoshli Dovbik haqida Angliya Premyer-ligasining ba’zi klublari ma’lumot so‘ragan.
"Roma" safida Artyom Dovbik 45 ta rasmiy o‘yin o‘tkazib, 17 ta gol va 4 ta golli uzatmani o‘z hisobiga yozdirib qo‘ygan. O‘tgan mavsumda Rim "bo‘rilari" A Seriyada beshinchi o‘rinni egalladi va Yevropa Ligasi yo‘llanmasini qo‘lga kiritdi.
