Ёзги трансферлар вақтида Украина терма жамоаси ҳужумчиси Артём Довбик клубини ўзгартириши мумкин. Таниқли журналист Николо Скиранинг ижтимоий тармоқларда маълум қилишича, "Рома" тахминан 40 миллион евролик яхши таклифга эга бўлса, Довбикни сотиб юборишга тайёр.

Қайд этилишича, 28 ёшли Довбик ҳақида Англия Премьер-лигасининг баъзи клублари маълумот сўраган.

"Рома" сафида Артём Довбик 45 та расмий ўйин ўтказиб, 17 та гол ва 4 та голли узатмани ўз ҳисобига ёздириб қўйган. Ўтган мавсумда Рим "бўрилари" А Серияда бешинчи ўринни эгаллади ва Европа Лигаси йўлланмасини қўлга киритди.