"Manchester Siti"ning yangi a’zosi Jeyms Trafford jamoadoshi Ederson haqida qanday fikrda ekanini aytdi.
"Shaharliklar" tarbiyalanuvchisi ikki yildan so‘ng yana qadrdon klubiga qaytdi. Manchester grandi 22 yoshli darvozabon uchun "Byornli"ga 30 mln yevrodan ko‘proq to‘ladi.
"Ederson nihoyatda iste’dodli va to‘p bilan muomala qilishda o‘ziga xos. 17 yoshimda birinchi jamoa bilan mashg‘ulotlarni boshlaganimda unga havas qilganman. O‘yinimni yaxshilash uchun uning mahoratini o‘rganishga harakat qildim. "Manchester Siti"ning barcha darvozabonlari bilan ishlashdan xursandman, biz bir-birimizni rivojlanishga undaymiz," - dedi angliyalik futbolchi transferdan keyin bergan intervyusida.
O‘tgan mavsumda Jeyms Trafford "Byornli" safida Chempionshipning 45 o‘yinida atigi 16 ta gol o‘tkazib yuborgan.
