"Манчестер Сити"нинг янги аъзоси Жеймс Траффорд жамоадоши Эдерсон ҳақида қандай фикрда эканини айтди.

"Шаҳарликлар" тарбияланувчиси икки йилдан сўнг яна қадрдон клубига қайтди. Манчестер гранди 22 ёшли дарвозабон учун "Бёрнли"га 30 млн евродан кўпроқ тўлади.

"Эдерсон ниҳоятда истеъдодли ва тўп билан муомала қилишда ўзига хос. 17 ёшимда биринчи жамоа билан машғулотларни бошлаганимда унга ҳавас қилганман. Ўйинимни яхшилаш учун унинг маҳоратини ўрганишга ҳаракат қилдим. "Манчестер Сити"нинг барча дарвозабонлари билан ишлашдан хурсандман, биз бир-биримизни ривожланишга ундаймиз," - деди англиялик футболчи трансфердан кейин берган интервьюсида.

Ўтган мавсумда Жеймс Траффорд "Бёрнли" сафида Чемпионшипнинг 45 ўйинида атиги 16 та гол ўтказиб юборган.