"Atalanta" yarim himoyachisi Ederson klub bilan yangi shartnoma imzolashi mumkin.
Braziliyalikning amaldagi shartnomasi 2027 yilning yoziga qadar mo‘ljallangan. So‘nggi oylarda xavbekka Yevropaning bir qator grandlari qiziqish bildirayotgani, shuningdek, uning Saudiya Arabistoniga ko‘chib o‘tishi mumkinligi aytilgandi. "Atalanta" 26 yoshli futbolchi bilan xayrlashishni rejalashtirmayapti: jurnalist Alfredo Pedulla xabariga ko‘ra, bergamoliklar o‘z yetakchisini saqlab qolish va u bilan shartnomani uzaytirish niyatida.
Edersonga da’vogarlar orasida yaqinda "Manchester Yunayted" va "Al-Hilol" nomlari tilga olingan edi. Transfermarkt ma’lumotiga ko‘ra, futbolchining narxi 50 mln yevroni tashkil etadi.
