"Аталанта" ярим ҳимоячиси Эдерсон клуб билан янги шартнома имзолаши мумкин.
Бразилияликнинг амалдаги шартномаси 2027 йилнинг ёзига қадар мўлжалланган. Сўнгги ойларда хавбекка Европанинг бир қатор грандлари қизиқиш билдираётгани, шунингдек, унинг Саудия Арабистонига кўчиб ўтиши мумкинлиги айтилганди. "Аталанта" 26 ёшли футболчи билан хайрлашишни режалаштирмаяпти: журналист Альфредо Педулла хабарига кўра, бергамоликлар ўз етакчисини сақлаб қолиш ва у билан шартномани узайтириш ниятида.
Эдерсонга даъвогарлар орасида яқинда "Манчестер Юнайтед" ва "Ал-Ҳилол" номлари тилга олинган эди. Transfermarkt маълумотига кўра, футболчининг нархи 50 млн еврони ташкил этади.
