"Manchester Yunayted" klubi "Manchester Siti" darvozaboni Shtefan Ortegani o‘z safiga qo‘shib olmoqchi. Bu haqda Sport.es nashri xabar berdi. Ruben Amorim jamoasi allaqachon nemis vakillari bilan bog‘lanishgan.
Manbaga ko‘ra, "Aston Villa" darvozaboni Emiliano Martines "qizil iblislar" safiga o‘tishdan bosh tortgach, Manchester klubi "shaharliklar"ning ikkinchi raqamli darvozaboniga qiziqib qolgan. Oldinroq Orteganing ushbu yozgi transfer oynasida, ayniqsa Jeyms Traffordni sotib olganidan keyin ketishi mumkinligi haqida ma’lumotlar bor edi.
O‘tgan mavsumda 32 yoshli darvozabon barcha turnirlarda 22 ta o‘yinda maydonga tushib, 24 ta gol o‘tkazib yuborgan.
Avvalroq, "MYU" Donnarummaga bo‘lgan qiziqishni qayta tiklagani haqida xabarlar tarqalgandi.
