"Манчестер Юнайтед" клуби "Манчестер Сити" дарвозабони Штефан Ортегани ўз сафига қўшиб олмоқчи. Бу ҳақда Sport.es нашри хабар берди. Рубен Аморим жамоаси аллақачон немис вакиллари билан боғланишган.
Манбага кўра, "Астон Вилла" дарвозабони Эмилиано Мартинес "қизил иблислар" сафига ўтишдан бош тортгач, Манчестер клуби "шаҳарликлар"нинг иккинчи рақамли дарвозабонига қизиқиб қолган. Олдинроқ Ортеганинг ушбу ёзги трансфер ойнасида, айниқса Жеймс Траффордни сотиб олганидан кейин кетиши мумкинлиги ҳақида маълумотлар бор эди.
Ўтган мавсумда 32 ёшли дарвозабон барча турнирларда 22 та ўйинда майдонга тушиб, 24 та гол ўтказиб юборган.
Аввалроқ, "МЮ" Доннаруммага бўлган қизиқишни қайта тиклагани ҳақида хабарлар тарқалганди.
