Ademola Lukmanning "Atalanta"dan "Inter"ga transferi taqdiri yaqin kunlarda hal bo‘lishi kutilmoqda.
Bergamo klubi hujumchi uchun 50 mln yevro talab qilmoqda, milanliklar esa bonuslar bilan hisoblaganda 45 mln yevro atrofida taklif qilmoqda. Jurnalist Matteo Morettoning ma’lum qilishicha, "Inter" "Atalanta"dan yakuniy javobni juma kunidan kechiktirmay berishni so‘ragan. Agar bergamoliklar belgilangan muddatgacha sukutni buzishmasa, bu rad etish sifatida qabul qilinadi - bunday holda milanliklar rahbariyati boshqa nomzodlarga o‘tadi.
Eslatib o‘tamiz, Ademola Lukmanning o‘zi "Inter"ga o‘tish istagi haqida "Atalanta"ga xabar bergan edi. 27 yoshli futbolchining agenti klubni sotishga ko‘ndirmoqda.













