Milanliklar jamoaning asosiy futbolchilaridan biri bilan shartnomani uzaytira olishlariga ishonmoqda.

Jurnalist Nikolo Skiraning xabar berishicha, “rossoneri” va Kristian Pulishich o‘rtasida yangi shartnoma bo‘yicha kelishuv mavjud bo‘lib, u keyingi to‘rt mavsum uchun, ya’ni 2029 yilning iyun oyi oxirigacha hisoblab chiqiladi.

Qayd etilishicha, 26 yoshli amerikalik yangi shartnomaga ko‘ra yiliga taxminan 5 million yevro oladi.

Kristian Pulishich 2023 yilning yozida “Chelsi”dan 22 million yevro evaziga “Milan”ga o‘tgan edi. Bu vaqt ichida u italyan klubi safida barcha musobaqalarda 100ta o‘yinda 32ta gol urdi va 23ta golli uzatmani amalga oshirdi.