Миланликлар жамоанинг асосий футболчиларидан бири билан шартномани узайтира олишларига ишонмоқда.
Журналист Николо Скиранинг хабар беришича, “россонери” ва Кристиан Пулишич ўртасида янги шартнома бўйича келишув мавжуд бўлиб, у кейинги тўрт мавсум учун, яъни 2029 йилнинг июн ойи охиригача ҳисоблаб чиқилади.
Қайд этилишича, 26 ёшли америкалик янги шартномага кўра йилига тахминан 5 миллион евро олади.
Кристиан Пулишич 2023 йилнинг ёзида “Челси”дан 22 миллион евро эвазига “Милан”га ўтган эди. Бу вақт ичида у италян клуби сафида барча мусобақаларда 100та ўйинда 32та гол урди ва 23та голли узатмани амалга оширди.
