Germaniyaning "Bavariya" klubi darvozaboni Sven Ulrayx o‘g‘li uzoq davom etgan kasallikdan so‘ng vafot etganini aytdi.
"Bugun chuqur qayg‘u bilan shuni ma’lum qilmoqchimizki, o‘g‘limiz Len bir necha hafta oldin uzoq davom etgan og‘ir kasallikdan so‘ng vafot etdi.
Buni ommaga e’lon qilish qarori hozir biz uchun juda og‘ir, ammo bu vaziyatni atrofdagilar va jamoatchilikka tushuntirish uchun oila sifatida biz uchun muhim qadamdir. Qizim bilan birga qadam-baqadam hayotga qaytishga harakat qilyapmiz. Oilamiz, do‘stlarimiz va "Bavariya" futbol klubiga so‘nggi bir necha oy davomida ko‘rsatgan xushmuomalaligi va ulkan yordami uchun alohida minnatdorchilik bildiramiz - bu biz uchun juda katta ahamiyatga ega.
Jamoatchilik va ommaviy axborot vositalari vakillaridan e’tiborli bo‘lishlarini va shaxsiy hayotimizni hurmat qilishlarini so‘raymiz", - dedi Ulrayx.
