"Liverpul" "Nyukasl"ga markaziy hujumchi Aleksandr Isak borasida yangi taklif yuborishni rejalashtirmayapti, deb yozadi Ben Jeykobs.
Eddi Xau jamoasi birinchi kelishuvni rad etgani mersisaydliklar "hakkalar" bilan qayta aloqaga chiqmasligini ko‘rsatmoqda. Shu tariqa, "Nyukasl" o‘z pozisiyasini o‘zgartirib, o‘zi "Liverpul"ga murojaat qilmasa, transfer amalga oshmasligi mumkin.
25 yoshli shvesiyalik uchun taklif 126 million yevroni tashkil qilgandi. Aleksandr bilan shaxsiy shartlar muammo emas, ammo tomonlar o‘zaro kelisha olmayapti.
Isak o‘tgan mavsum "Nyukasl" safida 42 ta o‘yinda 27 ta gol va 6 ta golli uzatmaga mualliflik qilgan.
