"Ливерпуль" "Ньюкасл"га марказий ҳужумчи Александр Исак борасида янги таклиф юборишни режалаштирмаяпти, деб ёзади Бен Жейкобс.
Эдди Хау жамоаси биринчи келишувни рад этгани мерсисайдликлар "ҳаккалар" билан қайта алоқага чиқмаслигини кўрсатмоқда. Шу тариқа, "Ньюкасл" ўз позициясини ўзгартириб, ўзи "Ливерпуль"га мурожаат қилмаса, трансфер амалга ошмаслиги мумкин.
25 ёшли швециялик учун таклиф 126 миллион еврони ташкил қилганди. Александр билан шахсий шартлар муаммо эмас, аммо томонлар ўзаро келиша олмаяпти.
Исак ўтган мавсум "Ньюкасл" сафида 42 та ўйинда 27 та гол ва 6 та голли узатмага муаллифлик қилган.
