"Manchester Yunayted" hujumchisi Rasmus Xyoylundning "Leypsig"ga o‘tishi "buqalar" forvardi Benyamin Sheshkoning "qizil iblislar" safiga o‘tishi bo‘yicha bitimning bir qismi sifatida ko‘rilmoqda. Bu haqda jurnalist Ben Jeykobs X ijtimoiy tarmog‘idagi sahifasida ma’lum qildi.

Manbaga ko‘ra, daniyalik futbolchining Germaniyaga ko‘chib o‘tish istagi kuchli emas. Shaxsiy suhbatlarda u Angliya grandida qolish va tarkib uchun kurashish niyatida ekanligini ma’lum qildi.

Avvalroq OAV mankunianliklar Sheshko transferi uchun 90 mln yevro to‘lashi mumkinligi haqida yozgandi.

O‘tgan mavsumda "Leypsig" hujumchisi barcha musobaqalarda 45 ta o‘yinda maydonga tushib, 21 ta gol va 6 ta assistni o‘z hisobiga yozdirib qo‘ydi. Xyoylund barcha musobaqalarda 52 ta o‘yin o‘tkazib, 10 ta gol urdi va to‘rtta golli uzatmani amalga oshirdi.