"Манчестер Юнайтед" ҳужумчиси Расмус Хёйлунднинг "Лейпциг"га ўтиши "буқалар" форварди Беньямин Шешконинг "қизил иблислар" сафига ўтиши бўйича битимнинг бир қисми сифатида кўрилмоқда. Бу ҳақда журналист Бен Жейкобс Х ижтимоий тармоғидаги саҳифасида маълум қилди.

Манбага кўра, даниялик футболчининг Германияга кўчиб ўтиш истаги кучли эмас. Шахсий суҳбатларда у Англия грандида қолиш ва таркиб учун курашиш ниятида эканлигини маълум қилди.

Аввалроқ ОАВ манкунианликлар Шешко трансфери учун 90 млн евро тўлаши мумкинлиги ҳақида ёзганди.

Ўтган мавсумда "Лейпциг" ҳужумчиси барча мусобақаларда 45 та ўйинда майдонга тушиб, 21 та гол ва 6 та ассистни ўз ҳисобига ёздириб қўйди. Хёйлунд барча мусобақаларда 52 та ўйин ўтказиб, 10 та гол урди ва тўртта голли узатмани амалга оширди.