"Liverpul"ning hujumchi Aleksandr Isak bo‘yicha 110 million funt (taxminan 126 million yevro) lik taklifi darhol rad etildi. Shundan so‘ng, mersisaydliklar muzokaralar stoliga qaytmasligi, chunki buni befoyda deb hisoblashi haqida ma’lumotlar paydo bo‘ldi.
Biroq, Daily Mail xabariga ko‘ra, "Liverpul" Isak uchun yangi taklif bilan qaytmoqchi. Bu "Nyukasl" yangi forvard bilan shartnoma imzolaganida sodir bo‘ladi.
"Nyukasl" yangi hujumchi qidirayotgani klub Isakni sotishga tayyorligini ko‘rsatishi mumkin. "Liverpul" buni tushunadi, shuning uchun keyinroq yangi, yanada kattaroq taklif berishni rejalashtirmoqda. "Qizillar" Britaniya klublari uchun transfer narxi bo‘yicha yangi rekord o‘rnatishi mumkin.
Avvalroq 25 yoshli Isak "Nyukasl" qarorgohiga qaytishga qaror qilgani xabar qilingandi.
