"Ливерпуль"нинг ҳужумчи Александр Исак бўйича 110 миллион фунт (тахминан 126 миллион евро) лик таклифи дарҳол рад этилди. Шундан сўнг, мерсисайдликлар музокаралар столига қайтмаслиги, чунки буни бефойда деб ҳисоблаши ҳақида маълумотлар пайдо бўлди.
Бироқ, Daily Mail хабарига кўра, "Ливерпуль" Исак учун янги таклиф билан қайтмоқчи. Бу "Ньюкасл" янги форвард билан шартнома имзолаганида содир бўлади.
"Ньюкасл" янги ҳужумчи қидираётгани клуб Исакни сотишга тайёрлигини кўрсатиши мумкин. "Ливерпуль" буни тушунади, шунинг учун кейинроқ янги, янада каттароқ таклиф беришни режалаштирмоқда. "Қизиллар" Британия клублари учун трансфер нархи бўйича янги рекорд ўрнатиши мумкин.
Аввалроқ 25 ёшли Исак "Ньюкасл" қароргоҳига қайтишга қарор қилгани хабар қилинганди.
