"Manchester Yunayted" vingeri Alexandro Garnacho "Chelsi"ga o‘tishi mumkinligi haqida gap-so‘zlarga sabab bo‘ldi. Mashhur insayder Fabrisio Romano ijtimoiy tarmoqlar orqali "ko‘klar"ning argentinalik futbolchiga bo‘lgan qiziqishi haqida gapirdi - nufuzli insayder postiga tez orada Garnachoning o‘zi layk bosdi, deya ta’kidlaydi ingliz OAV. Bu bilan futbolchi faoliyatini Londonda davom ettirishga tayyorligi haqidagi ma’lumotni tasdiqladi.
Transfermarkt portali 21 yoshli futbolchini 45 mln yevroga baholamoqda. "Manchester Yunayted" u bo‘yicha takliflarni bajonidil ko‘rib chiqadi, bu haqda yoz boshidayoq ma’lum bo‘lgandi.
Tez orada "Chelsi" "RB Leypsig"dan Xavi Simons transferini yakunlashi kerak, shundan so‘ng, katta ehtimol bilan Garnacho transferi ustida ish boshlanadi.
