"Манчестер Юнайтед" вингери Алехандро Гарначо "Челси"га ўтиши мумкинлиги ҳақида гап-сўзларга сабаб бўлди. Машҳур инсайдер Фабрицио Романо ижтимоий тармоқлар орқали "кўклар"нинг аргентиналик футболчига бўлган қизиқиши ҳақида гапирди - нуфузли инсайдер постига тез орада Гарначонинг ўзи лайк босди, дея таъкидлайди инглиз ОАВ. Бу билан футболчи фаолиятини Лондонда давом эттиришга тайёрлиги ҳақидаги маълумотни тасдиқлади.
Transfermarkt портали 21 ёшли футболчини 45 млн еврога баҳоламоқда. "Манчестер Юнайтед" у бўйича таклифларни бажонидил кўриб чиқади, бу ҳақда ёз бошидаёқ маълум бўлганди.
Тез орада "Челси" "РБ Лейпциг"дан Хави Симонс трансферини якунлаши керак, шундан сўнг, катта эҳтимол билан Гарначо трансфери устида иш бошланади.
