"Manchester Yunayted" "RB Leypsig" hujumchisi Benyamin Sheshko transferidan umid qilmoqda.

Biroz oldinroq, nemis klubi "Nyukasl"dan futbolchi bo‘yicha taklifni rad etgani ma’lum bo‘lgandi - "hakkalar" bonuslar bilan birga 80 mln yevro atrofida to‘lashga tayyor edi. Endi transfer kurashiga "qizil iblislar" qo‘shilmoqda: Sky Sports xabariga ko‘ra, bu oqshom mankunianliklar vakillari "qizil buqalar"ning talablari haqida batafsil ma’lumot olish maqsadida "RB Leypsig" bilan Sheshko bo‘yicha muzokaralar olib bordi. Muhokamalar yakuniga ko‘ra, "MYU" 22 yoshli hujumchiga rasmiy taklif berish-bermaslik masalasini hal qiladi.

Benyamin Sheshko "RB Leypsig" safida o‘tgan mavsum 45 ta o‘yinda maydonga tushib, 21 ta gol urdi va 6 ta golli uzatmani amalga oshirdi.