"Манчестер Юнайтед" "РБ Лейпциг" ҳужумчиси Беньямин Шешко трансферидан умид қилмоқда.
Бироз олдинроқ, немис клуби "Ньюкасл"дан футболчи бўйича таклифни рад этгани маълум бўлганди - "ҳаккалар" бонуслар билан бирга 80 млн евро атрофида тўлашга тайёр эди. Энди трансфер курашига "қизил иблислар" қўшилмоқда: Sky Sports хабарига кўра, бу оқшом манкунианликлар вакиллари "қизил буқалар"нинг талаблари ҳақида батафсил маълумот олиш мақсадида "РБ Лейпциг" билан Шешко бўйича музокаралар олиб борди. Муҳокамалар якунига кўра, "МЮ" 22 ёшли ҳужумчига расмий таклиф бериш-бермаслик масаласини ҳал қилади.
Беньямин Шешко "РБ Лейпциг" сафида ўтган мавсум 45 та ўйинда майдонга тушиб, 21 та гол урди ва 6 та голли узатмани амалга оширди.













