"Manchester Yunayted"ning yangi futbolchisi Brayan Mbeumo bo‘lajak mavsumoldi o‘yinida jamoa safida ilk bor maydonga tushadi.
United Stand xabariga ko‘ra, vinger "qizil iblislar" safida yakshanbadan dushanbaga o‘tar kechasi Atlantada bo‘lib o‘tadigan "Everton"ga qarshi o‘yinda debyut qiladi.
Brayan Mbeumo o‘tgan oy "Brentford"dan "Manchester Yunayted"ga o‘tgan edi. 25 yoshli futbolchining transfer qiymati 75 million yevroni tashkil qilgan, uning "mankunianliklar" bilan shartnomasi muddati 2030 yilgacha mo‘ljallangan.













