Germaniyaning "Leypsig" klubining sloveniyalik hujumchisi ayni damda futbolchilik faoliyatidagi navbatdagi klub haqida o‘ylamoqda.
22 yoshli Benjamin Sheshko uzoq vaqtdan beri ingliz futbolining yirik klublari nazorati ostida edi, ammo so‘nggi transfer voqealarini hisobga olsak, Londonning "Arsenal" klubi endi futbolchini qo‘lga kiritish uchun da’vogar emas. Biroq Aleksandr Isakni sotishga hozirlik ko‘rayotgan “Nyukasl” Benjaminga o‘z xizmatlarini taklif qilishga tayyor.
Anchadan beri Sheshkoni kuzatib kelayotgan "Manchester Yunayted" ham davogarlar qatorida.
Xabar qilinishicha, futbolchi tez orada yakuniy qarorga keladi va bu haqda har ikki klubga ma’lum qiladi.
Uning narxi, Transfermarkt portaliga ko‘ra, 70 million yevro.
