Rossiyaning noma’lum klubi "Milan"ning 27 yoshli tayanch yarimhimoyachisi Ismoil Bennaser haqida ma’lumot so‘radi. Bu haqda jurnalist Nikolo Skira X ijtimoiy tarmog‘idagi sahifasida ma’lum qildi.
Manbaga ko‘ra, jazoirlik futbolchi haqidagi ma’lumotni nomi oshkor etilmayotgan turk klubi ham so‘ragan. Ta’kidlanishicha, "rossonerilar" Bennaserga umid qilmayapti.
Yarim himoyachi 2019 yil yozidan beri "Milan" futbolchisi hisoblanadi. O‘tgan mavsumning ikkinchi qismini Bennaser "Marsel"da ijarada o‘tkazdi. Futbolchining Italiya klubi bilan amaldagi mehnat shartnomasi 2027 yilning yozigacha mo‘ljallangan.
