Londonning "Tottenxem" klubi biroza avval "Nyukasl"ga qarshi o‘rtoqlik o‘yinida 1:1 hisobida durang qayd etdi.
Bu bahs "shporlar" afsonasiga aylanib ulgurgan Son Xyon Min uchun jamoadagi so‘nggi o‘yin bo‘ldi. 33 yoshli koreyalik vinger o‘yinni asosiy tarkibda boshladi va 65-daqiqada almashtirildi. Uni jamoadoshlari, raqib futbolchilari va butun stadion olqishlar bilan kuzatib qo‘ydi.



Son "Tottenxem"dagi umumiy faoliyati davomida 454 ta o‘yinda 173 ta gol urib, 101 ta golli uzatma berdi.













