"Tottenxem"ning yangi a’zosi Joau Palinya o‘z tanlovini tushuntirib berdi. "Shporlar" portugaliyalik yarim himoyachini "Bavariya"dan sotib olish imkoniyati bilan mavsum oxirigacha ijaraga oldi.
"Ehtimol, murabbiy mening qarorimga asosiy ta’sir ko‘rsatdi. Senga haqiqatan ham muhtojlik sezish juda muhim, bu men uchun katta ahamiyatga ega. Bu tanlovni ancha osonlashtirdi", - deya 30 yoshli futbolchining so‘zlarini keltiradi "Tottenxem" matbuot xizmati.
Joau Palinya "Bavariya"da bor-yo‘g‘i bir yil o‘tkazdi. Myunxenga ko‘chib o‘tishdan oldin xavbek ikki yil davomida Londonning "Fulxem" jamoasida o‘ynagan.
