"Тоттенхэм"нинг янги аъзоси Жоау Палинья ўз танловини тушунтириб берди. "Шпорлар" португалиялик ярим ҳимоячини "Бавария"дан сотиб олиш имконияти билан мавсум охиригача ижарага олди.
"Эҳтимол, мураббий менинг қароримга асосий таъсир кўрсатди. Сенга ҳақиқатан ҳам муҳтожлик сезиш жуда муҳим, бу мен учун катта аҳамиятга эга. Бу танловни анча осонлаштирди", - дея 30 ёшли футболчининг сўзларини келтиради "Тоттенхэм" матбуот хизмати.
Жоау Палинья "Бавария"да бор-йўғи бир йил ўтказди. Мюнхенга кўчиб ўтишдан олдин хавбек икки йил давомида Лондоннинг "Фулхэм" жамоасида ўйнаган.
